Aksidentoi për vdekje këmbësoren, arrestohet shoferja 70-vjeçare në Shkodër

Një aksident me vdekje ka ndodhur ditën e djeshme në Shkodër.

Një automjet ka përplasur një këmbësore 65-vjeçare, e cila për pasojë ka ndërruar jetë në spital. Policia njofton se ka vënë në pranga drejtuesen 70-vjeçare të automjetit për veprën penale “Shkelja e rregullave të qarkullimit rrugor”.

“Në vijim të informacionit të dhënë ditën e djeshme, për një aksident në lagjen “3 Heronjtë”, ju informojmë se specialistët e Sektorit të Policisë Rrugore arrestuan shtetasen  E. N., 70 vjeçe, për veprën penale “Shkelja e rregullave të qarkullimit rrugor”.  70 vjeçarja duke drejtuar automjetin e saj, ka përplasur këmbësoren  shtetasen  L. N., 65 vjeçe, e cila si pasojë ka humbur jetën në Spitalin Rajonal Shkodër”, njofton policia.