Një 21-vjeçar është arrestuar nga Policia e Elbasanit, pasi aksidentoi për vdekje të një të moshuar në Elbasan. Mësohet se i riu drejtonte makinën në gjendje të dehur dhe me shpejtësi tej normave të lejuara. Ngjarja ndodhi të mërkurën rreth orës 17:25 në aksin rrugor Elbasan-Papër, në fshatin Vidhas, ku i riu ka aksidentuar 65-vjeçari B.B. Ambulanca dërgoi në spital të moshuarin, por ai humbi jetën gjatë rrugës për në spital për shkak të plagëve të marrë në kokë.
Kujtojmë se pas aksidentit 21-vjecari u largua nga vendngjarja, por pas kontrolleve intensive policia ka bërë të mundur arrestimin e tij sot. Sakaq, policia njofton se po merret në pyetje autori për të zbuluar më shumë detaje rreth ngjarjes, ndërsa prokuroria vazhdon me hetimet.
Discussion about this post