Aksidet me vdekje në Gjirokastër

Një aksident me vdekje ka ndodhur pasditen e sotme në Gjirokastër.

Një automjet ka dalë nga rruga në aksin Gjirokastër-Çajup, në vendin e quajtur “Erind”.

Për pasojë është dëmtuar drejtuesi i mjetit, Feim Mazaj, i cili ka humbur jetën.

“Rreth orës 18:45, në aksin rrugor Gjirokastër-Çajup, në vendin e quajtur “Erind”, shtetasi F. M., 62 vjeç, banues në fshatin Erind, Gjirokastër, duke drejtuar automjetin tip “Fiat”, dyshohet se ka humbur kontrollin mbi drejtimin e automjetit dhe ka dalë nga rruga. Shtetasi F. M. është transportuar për në Spitalin Rajonal Gjirokastër por ka ndërruar jetë si pasojë e dëmtimeve të marra”, njoftoi policia.

Në vendngjarje ndodhet grupi hetimor dhe po punon për zbardhjen e shkaqeve të aksidentit, shtuan të njëjtat burime.