Aksion blic në burgun e Lushnjes, kontrolle në qeli për celularë dhe drogë

Një aksion blic po zhvillohet këtë të diel në burgun e sigurisë së ulët në Kosovë të Madhe, në Lushnje.

Sipas informacioneve nga burime pranë institucionit, kontrollet po kryhen në blloqet e sigurisë dhe në qelitë e të burgosurve, me fokus gjetjen e sendeve të paligjshme.

Gjatë aksioneve të deritanishme janë sekuestruar telefona celularë, doza droge dhe sende të tjera të paligjshme.
Në një prej rasteve më të fundit, në një qeli ku mbahej një i paraburgosur për narkotrafik, kontrolleve iu bashkua edhe Byroja Kombëtare e Hetimit. Sipas raportimit, aty u zbulua një telefon i fshehur në kasën e derës së qelisë.

Operacioni vijon ende, ndërsa forcat e sigurisë dhe strukturat përgjegjëse po ushtrojnë kontrolle të imtësishme në ambientet e burgut.

gijotina.com/

Etiketa: burgu i Lushnjes