Një tjetër operacion i befasishëm po zhvillohet nga Forcat Shqiponja, Njësia Operacionale dhe policia rrugore në qytetin e Elbasanit. Mësohet se ky aksion po zhvillohet në disa rrugë të Elbasanit për persona të cilët lëvizin me sende të kundraligjshme. Operacioni në rrugët e Elbasanit është zhvilluar edhe për kapjen e personave në kërkim. Nuk dihet nëse ky aksion i momenteve të fundit, ka lidhje me operacionin “Plumbi i artë” i cili u zhvillua pak muaj më parë ku 18 persona u vunë në pranga dhe 14 të tjerë u shpallën në kërkim. Sjellim në kujtesë që forcat speciale “RENEA” zbarkuan në Elbasan pak javë më parë për kapjen dhe arrestimin e Talo Çelës dhe Suel Çelës, por operacioni dështoi.
Qyteti i Elbasanit njihet si një nga qytetet më problematike në vend ku mbizotëron krimi i organizuar dhe operojnë disa banda kriminale.
Discussion about this post