Aksion i policisë në Fushëkuqe, arrestohen dy persona të shpallur në kërkim nga SPAK (Emrat)

Forcat speciale RENEA kanë zhvilluar sot një operacion të befasishëm në zonat e Dobraçit dhe Fushë Kuqes.

Sipas informacioneve të para, gjatë aksionit në Fushë Kuqe janë arrestuar dy persona, të dyshuar për veprimtari të kundërligjshme. Gjatë kontrolleve, forcat e rendit kanë sekuestruar gjithashtu armë zjarri.

Personat e arrestuar janë Ervin Merlika dhe Fred Xhixha. Arrestimet u kryen pas kontrolleve të imtësishme në banesat e tyre, ku policia dyshon se kishin armë pa leje.

Ata u vunë në pranga nga Drejtoria e Forcës së Posaçme Operacionale në Departamentin e Policisë Kriminale.

Operacionet janë pjesë e një serie veprimesh të ndërmarra për rritjen e sigurisë dhe parandalimin e veprimtarive kriminale në zonat e veriut të vendit. Autoritetet pritet të japin detaje të tjera në orët në vijim.