Deputeti i Partisë Demokratike, Tritan Shehu, ka dalë sot në një thirrje për të gjithë qytetarët ku iu kërkon atyre të marrin pjesë në protestën e 7 korrikut. Ai ka zhvilluar ka zhvilluar një takim me strukturat e PD-së të degëve të Përmetit, Këlcyrës, Gjirokastrës, Tepelenës e Memaliajt, ku fton qytetarët që t’i bashkohen thirrjes së Berishës, për të shpëtuar vendin nga kjo qeveri. Shehu e ka cilësuar këtë protestë si “një aksion të rëndësishëm politik dhe opozitar” dhe zotohet se PD-ja do të ballafaqohet “me zullumet e këtij regjimi” që po e çon vendin në katastrofë.
“Një aksion i rëndësishëm politik e opozitar ky. Të gjithë të motivuar e mobilizuar për fillimin e një lëvizje të vërtetë opozitare popullore, një ballafaqim me zullumet e pa llogaritshme të këtij rrëgjimi, që po e çojnë vendin dhe njerëzit në katastrofe. Ne nuk do ta lejojmë që kjo të ndodhë! Prandaj të gjithë në Tiranë me 7 Korrik ora 19.00”, shkruan ai. Ndërsa kujtojmë se Sali Berisha e quajti si fat faktin që kjo protestë do të zhvillohet me datë 7 muajin e 7-të vitit në orën 7. Sipas tij ky është një sinjal që ditë më të mira do të vijnë për shqiptarët nëse dalin të protestojnë.
Discussion about this post