SPAK ka ndërmarrë sot një aksion në lidhje me aferën e inceneratorëve, duke vënë në pranga 5 persona. Ndërkohë, SPAK ka lëshuar 11 urdhër arreste, ndërsa është konfirmuar që 6 prej tyre tashmë në kërkim ndodhen jashtë territorit shqiptar.
Po ashtu mësohet se mes personave që është lëshuar urdhër-arrest është dhe biznesmeni Mirel Mërtiri. Operacioni është zhvilluar nga Byroja Kombëtare e Hetimit dhe Operacionalja. Aktualisht, vijon kontrolli në disa prej banesave të të skeduarve nga SPAK.
Pesë të arrestuarit:
Arben Dervishaj
Regan Merdani
Robert Shabani
Enver Sheshi
Gentian Zifla
Gjashtë në kërkim:
Arber Denizi
Juri Ymeraj
Silvester Dreza
Arjola Kodra
Luran Dusha
Mirel Mërtiri
Deri tani për aferën e inceneratorëve kanë rënë në pranga ish-zyrtarë të lartë si ish-ministri i Mjedisit Lefter Koka dhe ish-deputeti socialist Alqi Bllako. Ndaj Kokës janë 2 masa “arrest me burg”, për inceneratorin e Elbasanit dhe atë të Fierit. SPAK pretendon se Koka ka përfituar përmes ryshfetit 5 milionë eurosh për ndërtimin e 2 inceneratorëve.
Së fundi, Bllako u rikthye në qeli, pasi SPAK ka ankimuar vendimin për lirimin e tij, duke kërkuar rikthimin e tij në burg. Bllako ishte lënë në masën “arrest shtëpie” për akuzat e korrupsionit dhe shpërdorimit të detyrës në lidhje me koncensionin e inceneratorit të Fierit vetëm 6 muaj pasi u burgos.
Lexo edhe: Inceneratori i Fierit, SPAK lëshon 11 urdhër arreste
Discussion about this post