Aksion kundër furrave ilegale të gëlqeres në Krujë, IKMT: Do të shemben 11 furra

IKMT ka ndërmarrë një aksion për shembjen e furrave ilegale të gëlqeres në Krujë.

Të pranishëm në këtë aksion janë inspektoret e bashkisë, policia, shërbimi i zonave të mbrojtura, ndërsa pritet të asgjesohen 11 furra që ushtrojnë aktivitetin e tyre në zonën e mbrojtur Krastë – Vrion.

Personat të cilët kanë ringritur këto zona do të merren në hetim për të disatën herë. Pavarësisht paraljmerimit nga policia ata kanë vijuar aktivitetin e djegies së lëndëvë të ndryshme të dëmshme për shëndetin e banorëve, në këto furratë sajuara.

Këto furra ilegale janë fakltor i ndotjes së rrethit të Krujes pasi materialet që digjen në to janë thuajse të gjitha toksike.

Furrat e sajuara si makineri djegin goma makinash, pjesë makinash të mara nga varrezat, mbetje te fasonerive të rrethit Kruje, mbetje të fabrikave e punishteve të ndryshme.

Të gjithë këto gazra çlirohen në atmosferë të cilat ndikojnë në përkeqësimin e shëndetit të njerëzve në këtë qark duke shkaktuar sëmundjë të rënda sic janë sëmundjet e zemrës, astma bronkale, sëmundjet e tensionit të gjakut, silikoze, tumore e kancere të ndryshme, alergji etj…

Aksioni do vijojë deri në shembjen e të gjitha furrave të paligjshme.