Pas shirave të rrëmbyeshëm, kushtet atmosferike u përmirësuan sot pasdite. Kryeministri Rama ka ndarë në rrjetet sociale pamje nga aksioni për pastrimin e vijës bregdetare.
Strukturat janë të angazhuara në terren, konkretisht në Plazhin e Vjetër në Vlorë, për të pastruar vijën bregdetare.
Këto janë në kuadër të një sërë masash të ndërmarra për t’i paraprirë sezonit turistik, ku Vlora është një prej destinacioneve kryesore.
Aktualisht, Lumi Vjosa ka dalë sërish nga shtrati pranë Urës së Mifolit. Niveli i ujit ka shkuar në 7.45 metra, duke sjellë përsëri përmbytjen e tregut të Mifolit.
Prurjet vijojnë me intensitet të lartë, ndërsa në zonën e Memaliajt niveli i ujit ka arritur në 7 metra. Kjo situatë paralajmëron një rritje të mëtejshme të nivelit të Vjosës, që pritet të arrijë deri në 8.5 apo 9 metra në orët në vijim.
gijotina.com/
Discussion about this post