Një aksion është zhvilluar sot nga policia e Durrësit, teksa në hetim janë vënë 4 persona. Blutë bëjnë me dije se personi i identifikuar me iniciale M. H., 32 vjeç, banues në Durrës, do të jetë nën mbikëqyrjen e policisë, pasi gjatë kontrollit të ushtruar në automjetin e tij tip “Volkswagen”, iu gjet dhe sekuestrua në cilësinë e provës materiale një pushkë sportive, fishekë manovër dhe një sasi lëndë narkotike e dyshuar kokainë.
Po ashtu policia do të kryejë hetimin edhe të personit të identifikuar me iniciale A. B., 31 vjeç, banues në Durrës, pasi gjatë kontrollit të ushtruar në subjektin e tij në lagjen nr.17, Durrës, u gjet dhe sekuestrua në cilësinë e provës materiale një sasi lëndë narkotike cannabis sativa.
Hetimeve nga policia nuk do i shpëtojë as i riu i identifikuar me iniciale E. C., 39 vjeç, banues në Durrës, pasi sipas bluve, gjatë kontrollit fizik, iu gjet dhe sekuestrua një sasi lëndë narkotike e dyshuar kokainë.
Uniformat blu në Durrës proceduan penalisht edhe një person të shpallur në kërkim kombëtar të identifikuar si P. N., 21 vjeç, banues në Durrës, pasi sipas policisë më datë 14.09.2021, i ka vënë zjarrin mjetit tip “Ford”, në pronësi të M. P., si dhe ka dëmtuar mjetin e F. P. / A.L gijotina.com /
