Dhjetë persona janë arrestuar në aksionin e Policisë së Kosovës në Komunën e Shtërpcës. Në mesin e të arrestuarve është edhe ish-kryetari i komunës së Shtërpcës, drejtori i Urbanizmit dhe disa zyrtarë të tjerë dhe pronarë të firmave.
Lajmin e ka bërë të ditur Prokuroria Themelore e Ferizajt, përmes një njoftimi drejtuar mediave.
Ata po dyshohen për veprat penale “Marrja e ryshfetit”, “Dhënia e ryshfetit” dhe “Keqpërdorimi i pozitës apo autoritetit zyrtar” të Kodit Penal të Republikës së Kosovës (KPRK)”. Aksioni është duke u zhvilluar ende.
Discussion about this post