Policia e Tiranës po zhvillon një aksion për goditjen e mashtrimeve përmes kriptomonedhave dhe pikave exchange në kryeqytet ditën e sotme.
Policia njoftoi se deri tani, në kuadër të këtij operacioni, është ekzekutuar masa e sigurisë “Arrest në burg”, e caktuar nga Gjykata e Tiranës, për 17 shtetas, si dhe janë kryer kontrolle në 32 ambiente në Tiranë dhe në Shkodër.
Në cilësinë e provës materiale, janë sekuestruar pajisje kompjuterike, celularë dhe shuma të konsiderueshme parash. Operacioni është në vijim, ndërsa në përfundim të tij, Policia e Shtetit shton se do të japë njoftim të detajuar për median dhe qytetarët.
Discussion about this post