Pesë persona kanë rënë në pranga paraditen e kësaj të diele në qytetin bregdetar të Vlorës, pas një operacioni të zhvilluar nga forcat speciale policore.
Në kuadër të aksionit të koduar “Bristani” u bë arrestimi në flagrancë i personave të identifikuar me emrat Klodian Gjikondaj,Mohamed Sherif, Fatjon Belaj, Robert Hysa,Arjol Lleshi.
Nga hetimet dhe provat e siguruara ka rezultuar se të arrestuarit në fjalë kanë bashkëpunuar, duke transportuar nga Tirana në qytetin e Vlorës 15 shtetas të huaj (egjiptianë), më pas kaluan në rrugë tokësore me automjet deri në qytetin e Orikumit, duke vijuar udhëtimin në këmbë deri në vendin e quajtur “Gjiri i Bristanit”, nga ky dyshohet se do të siguronin kalimin e tyre me mjete lundruese drejt Italisë, kundrejt shpërblimit monetar.
Materialet i kaluan Prokurorisë pranë Gjykatës së Shkallës së Parë Vlorë, për veprën penale “Ndihma për kalim të paligjshëm të kufijve” e kryer në bashkëpunim. Vijon puna hetimore, nën drejtimin e Prokurorisë së Rrethit Gjyqësor Vlorë, me qellim identifikimin e personave të tjerë të përfshirë në këtë veprimtari kriminale.
