Në kuadër të operacionit anti-drogë të organizuar në të gjithë vendin, në qarkun e Vlorës janë kontrolluar rreth 300 objekte, por nuk janë konstatuar bimë narkotike.
Në këtë aksion kanë marrë pjesë rreth 80 forca policie dhe 3 grupe FNSJ. Operacioni u shtri kryesisht në Selenicë dhe Himarë.
Kontrollet për drogë janë shtrirë në të gjithë vendin. Pasditen e sotme policia e Tiranës ka zbuluar një shtëpi që përdorej si bazë për prodhimin dhe magazinimin e lëndëve narkotike në Ndroq. Bëhet fjalë për një ndërtesë, në brendësi të së cilës është gjetur lëndë narkotike të mbjellura si edhe të gjitha aparaturat e tjera të përshtatshme për kultivimin e kanabisit.
Policia nuk ka gjetur askënd në shtëpi, ndërsa janë shoqëruar dy punonjës të OSHEE-së për shpërdorim detyre pasi nuk kanë njoftuar për sasinë e madhe të energjisë që konsumohej për shkak të llambave të fuqishme.
Në terren do të dalin edhe punonjësit e sektorëve dhe seksioneve të tjera dhe jo vetëm ata të narkotikëve. Sipas urdhrit, kontrollet do të zhvillohen në banesa, objekte të mbyllura, sera, depo, magazina, tunele, ish reparte ushtarake, ish depot e rezervave shtetërore, shtëpi të braktisura, stane e stalla. Për policinë këto ambiente shfrytëzohen individë apo grupe kriminale për kultivimin e bimëve narkotike apo përgatitjen e mbjelljes së fidanëve të drogës.
Discussion about this post