Autoriteti Rrugor Shqiptar, ka nisur aksionin për bllokimin e të gjitha hyrje daljeve të paligjshme në zonën e Maminasit në Durrës, vendimi i cili nuk është pritur mirë nga bizneset.
Hapja e kanaleve anësore dhe vendosja e mbrojtëseve metalike për mbylljen e hyrje-daljeve nga policia për të mos lejuar që të kalohet në autostradë, ka krijuar tensione tek pronarët të cilët janë ngritur në protestë kundër vendimit.
Pronarët e bizneseve kanë parashtruar dy kërkesa, së pari krijimi i një rruge dytësore nga Vora në urën e Dajlanit dhe përcaktimi i parametrave sipas standardeve rrugore. Policia ka operuar dhe me vënien e gjobave në makinat e tyre.
Sipas tyre janë njoftuar më herët nga ARRSH për nisjen e aksionit, por shtojnë se e kanë të pamundur gjetjen e një zgjidhje alternative në mënyrë që të zhvillojnë normalisht aktivitetin dhe se aplikimi dhe pajisja me leje është një procedurë që zgjat shumë.
Discussion about this post