Aksioni i policisë në Astir, arrestohet 56-vjeçari me kokainë dhe armë zjarri

Një 56-vjeçar me inicialet A.B., ka rënë në prangat e policisë së Tiranës, pasi akuzohet për prodhim dhe shitje të lëndëve narkotike.

Në njoftimin zyrtar, bëhet me dije se 56-vjeçari është arrestuar në rrugën “Teodor Keko”, në zonën e njohur si Astiri. Gjatë kontrollit fizik dhe gjatë kontrollit të banesës, iu gjetën dhe sekuestruan doza me kokainë, kanabis, një peshore elektronike, një shumë parash, një armë zjarri pistoletë, fishekë luftarakë, një thikë, dy aparate celulare dhe një automjet.

Ai është vënë në pranga dhe akuzohet për veprat penale “Prodhimi dhe shitja e lëndëve narkotike”, “Mbajtja pa leje dhe prodhimi i armëve, armëve shpërthyese dhe municionit” dhe “Prodhimi, mbajtja, blerja apo shitja pa leje e armëve të ftohta”.