Policia e Tiranës ka dhënë detaje në lidhje me shoqërimin që është bërë mbrëmjen e sotme, ku përvec Indrit Dokles dhe Fatjon Murati, i pranishëm në makinë ishte dhe Gentian Reçi, nipi i ish-policit Xhelal Reçi qe u vra para 1 viti në Laç.
Murataj ishte shpallur në kërkim pasi në bazë të një procedimi penal të këtij viti, ka rezultuar se është bashkëpunëtor (posedues i armëve) me shtetasin K. Gj., i cili është arrestuar në kuadër të operacionit “Ruger”.
Kujtojmë se Dokle ka qenë më parë i dënuar me burgim të përjetshëm për një seri vrasjesh të kryera në kuadër të bandës së Durrësit. Ai doli nga qelia pasi avokati paraqiti arsyetimin se klienti i tij “kishte kryer 25 vite burgim dhe ishte sjellë mirë”, ndërsa shtoi se Dokle nuk ishte në gjendje të mirë shëndetësore.
Discussion about this post