Forcat RENEA zhvilluan mbrëmjen e djeshme aksione në disa qytete të Shqipërisë si Durrës, Lezhë, Shkodër, Laç, Mamurras dhe Elbasan, ku janë arrestuar 3 persona dhe proceduar disa të tjerë.
Gijotina.com raportoi më herët se në pranga kishte përfunduar Astrit Seferi, autori i një vrasje të katërfishtë që ka ndodhur në vitin 2017 në Tiranë.
Sipas njoftimit të policisë, janë sekuestruar armë zjarri, drogë e sende të kundraligjshme, ndërsa mësohet se operacioni masiv ka vijuar gjatë gjithë natës, teksa janë gjurmuar dhe ndjekur persona me pjesëmarrje aktive në aktivitete kriminale.
Aksioni nisi fillimisht për kapjen e personave të përfshirë apo të dyshuar si të përfshirë në veprimtari kriminale kundër personit dhe pronës. Kontrollet u zhvilluan në lokale, banesa, ambiente të ndryshme dhe vende të dyshuara për fshehje apo përdorim të lëndëve narkotike.
