Pas aksionit të SPAK lidhur me arrestimet për aferën e inceneratorëve, ka reaguar Monika Kryemadhi. Ajo thekson se drejtësia nuk duhet të veproje me regji apo favorizime klienteliste.
Statusi:
Përshëndes veprimet e sotme për inceneratorët. Treguan se faktet që kam bërë publike janë të pamohueshme.
Por, drejtësia nuk duhet të veprojë me regji dhe favorizime klienteliste!
Lexo edhe: SPAK arrestoi 5 persona për inceneratorin e Fierit, reagon Berisha
Burime të besueshme tregojnë se para pak muajsh SPAK ka kërkuar masë arresti për Armando Subashin dhe është frenuar. I njejti deformim po ndodh për hetimet e inceneratorit të Tiranës, për të shpëtuar Erion Veliajn dhe kokat e vërteta të aferës së inceneratorëve.
SPAK duhet të godasë në shenjë për inceneratorët, mos të drejtohet sipas sulmeve që vijnë nga kongresi i partisë.
Po monitorojmë çdo veprim të autoriteteve për inceneratorët dhe do të bëjmë çdo gjë që të korruptuarit e qeverisë të njohin ligjin, ndërsa paratë dhe pronat publike t’i kthehen shqiptarëve.
Discussion about this post