Personi që shihni në foto është Agustin Cinari, ish-shefi i krimeve të Durrësit, i cili u arrestua nga SPAK ditën e sotme në vijim të operacionit “Plumbi i Artë”.
Bashkë me Cinarin në pranga ranë edhe Altin Ndoci dhe Xhimi Hoxha. Të tre këta persona ishin pjesë e listës me 36 emra, ndaj të cilëve SPAK kishte lëshuar urdhër-arreste.
Kujtojmë që ditën e sotme SPAK ka zhvilluar një operacion të madh në tre qytete të vendit, Elbasan, Tiranë dhe Durrës, pas dëshmive të dhëna nga i penduari i drejtësisë Nuredin Dumani dhe zbërthimit të aplikacionit SKY ECC.
Në pranga ka rënë edhe zv/Drejtori i Burgut të Bradasheshit, Martin Musaj, si dhe ish-gjyqtarja Pajtime Fetahu, për të cilën u ekzekutua masa “Arrest shtëpie”.
Ndërkohë në listë për arrestim janë edhe emra të njohur të botës së krimit si Talo Çela, apo anëtarë të tjerë të familjeve kriminale në Elbasan.
Disa nga emrat e listës së SPAK janë Talo Çela, Altin Kamami, Rexhino Doci, Arben Lamcja, Arsen Mema, Eljo Bitri, Leam Rragami, Elvis Daka alias Dragoviç, Dorjan Dyli, Matilda Hoxholli, Denada Todi, Flobenc Mecja, Armis Stafa, Maksim Koci, Erzen Çopja, Franc Çopja, Hajdar Bako alias Çopja, Mikael Qosja, Maetin Musaj, Guri Biba, Pajtime Fetahu, Renato Masuku, Leonardo Rragami.
Operacioni i SPAK është drejtuar nga Doloreza Musanbelli.
Hetimet kanë zbardhur disa krime, mes tyre edhe masakra e Bradasheshit në dhjetor të 2018 ku u vra Endrit Alibej, Arben Dylgjeri dhe një shtetas Turk.
Discussion about this post