Ambasadorja amerikane në Shqipëri ka përshëndetur operacionet e fundit të SPAK, (Prokuroria e Posaçmee), në Lushnje dhe në ministrinë e Brendshme. Në një reagim në rrjetet sociale, Kim shkruan se abuzimi me tenderat është i barabartë me vjedhjen e të gjithë qytetarëve. Këtu, Kim ka kujtuar edhe paratë amerikane që vijnë në Shqipëri për të ndihmuar, që iu merren qytetarëve taksapaguesë amerikanë.
REAGIMI I PLOTË:
Na vjen mirë të shohim veprimet e SPAK kundër Korrupsionit. Abuzimi ose manipulimi i prokurimeve publike është njësoj si të vjedhësh të gjithë qytetarët, (përfshirë qytetarët amerikanë, taksat e të cilëve iu japin ndihmë), për të majmur kuletat e vetes ose të “miqve”. Ky është një krim.
Reagimi i ambasadores vjen disa orë pasi SPAK finalizoi një operacion me rëndësi. “Jakat e bardha” ka nisur në Lushnje ku u arrestuan 11 zyrtarë bashkë me kryetarin Fatos Tushe. Ndërsa mëngjesin e sotëm, SPAK ekzekutoi 9 urdhër-arreste për zyrtarët e Ministrisë së Brendshme. Në pranga u vu edhe drejtoresha e Prokurimeve Publike, Edlira Naqellari. Zyrtarët e arrestuar akuzohen nga SPAK për “shkelje të barazisë në tendera”, e më konkretisht në tenderin galopant të uniformave të Policisë së Shtetit, me vlerë 2.8 miliardë lekë të reja, ku çmimi për një kapele shkonte 350 euro.
