Në kuadër të operacionit të SPAK mësohet se janë arrestuar edhe Elvis Ndreca dhe Armando Ndreca, djali i xhaxhait dhe vëllai i deputetit socialist Eduard Ndreca.
Armando Ndreca u arrestua edhe në një aksion anti-drogë para një muaji, por u lirua më pas nga Gjykata e Lezhës. Vendimi u la në fuqi edhe nga Apeli.
Pas zbërthimit të aplikacionit Sky ECC, GJKKO ka firmosur mbi 40 urdhër-arreste për personazhe të botës së krimit. Deri më tani janë ekzekutuar 9 prej tyre. Në kuadër të këtij operacioni të SPAK është shpallur në kërkim ish-deputeti i Partisë Socialiste, Arben Ndoka dhe dy ish-anëtarët e bandës së Durrësit, Endrit Dokle dhe Plaurent Dervishaj, kunati i Lulzim Berishës, si dhe emra të tjerë të njohur në raportimet e kronikës së zezë.
Prokuroria e Posaçme nuk ka dalë ende me një deklaratë zyrtare, por burime bëjnë me dije se janë zbardhur disa ngjarje kriminale.
Prej orës 03:00 të mëngjesit të 17 majit, më urdhër të SPAK, Policia, RENEA, FNSH dhe Operacionalja po ushtrojnë kontrolle në disa qytete të vendit Tiranë, Vlorë, Lezhë, Fushë-Krujë, Nikël, Kurbin.
Forcat e Policisë së Shtetit, të mbështetura nga RENEA dhe FNSH kanë kryer kontrolle në banesa të anëtarëve të fisit Abdulaj në Shijak dhe familjes Bami në Fushë-Krujë.
Ndërkohë, kontrolle ka pasur edhe në qytetin e Vlorës, të cilat kanë nisur që prej orës 04:00 të mëngjesit dhe janë kontrolluar banesa për persona që janë në kërkim ose me precedentë. Mes tyre është edhe ajo e Fatmir Hysenit, i njohur edhe si “Doqja”.
Në Tiranë, kontrollet janë shtrirë edhe në zonën e Freskut në banesat e fisit Duka, armiq të Ervis Martinaj.
Në Larushk të Fushë-Krujës burime bëjnë me dije se është ushtruar kontroll në shtëpinë e Albert Zajës, i dënual me 19 vite burg nga Apeli i GJKKO për vrasjen e Shkëlzen Kastratit.
Në Shkozet, është kontrolluar banesa e Ervis Doçit,i cili njihet ndryshe si “Visi i Pojës”.
Lexo edhe:
Eliminime mafioze nga Avdylajt tek Valter Bami e Fatmir Hyseni, SPAK lëshon 50 urdhër-arreste!
Në kërkim nga SPAK, zigzaget mes krimit dhe politikës të ish-deputetit socialist Arben Ndoka
Discussion about this post