Gjykata e Posaçme kundër Krimit të Organizuar dhe Korrupsionit ka lënë në fuqi masën e sigurisë “Arrest me burg” për Emiljano Shullazin, në kuadër të megaoperacionit të SPAK.
Në këtë seancë krahas prokurorit Alfred Shehu i pranishëm ka qenë dhe kreu i SPAK, Altin Dumani.
Shullazi nuk ka dhënë sqarime në sallën e gjyqit, ndërsa avokati i tij ka kërkuar papërdorshmëri për materialet e Sky dhe Enchro Chat dhe ka mohuar përfshirjen e Shullazit në ngjarjet kriminale.
Nga të dhënat e përgjimeve në aplikacionin Sky, rezulton se Shullazi komunikon me Marklen Hakën e Arben Ndokën dhe nga tërësia e bisedës dyshohet që flasin në lidhje me organizimit të kushteve për vrasjen e Durim Bamit.
Dyshohet se Shullazi, në bashkëpunim me Ervis Martinaj dhe ish-deputetin Arben Ndoka kanë ndërmarrë veprime për vrasjen e të fortit të Niklës, pas dyshimeve të përfshirjes së tij në vrasjen e vëllait të ish-deputetit.
Më herët, SPAK la në fuqi masat arrest në burg edhe ndaj katër të akuzuarve të tjerë, aktualisht në burg për vepra të tjera penale. Ata janë Enver Diva, Besian Xhixha, Gjergj Cukali dhe Albert Zaja.
Ndërkohë, të shtunën në burg u lanë Naim Stafuka, Armando Ndreca, Robert Laçi, Viktor Imeraj, Satilno Basho, Deivis Bajramaj, Drianto Bardhi dhe Miri Bruli, të arrestuar në vend në kuadër të operacionit.
Discussion about this post