Ambasadori i BE-së në Shqipëri, Luigi Soreca ka reaguar pas megaoperacionit ‘Shpirti’. Me anë të një postimi të bërë në ‘Twitter’ ai shprehet se Italia kishte një rol shumë të rëndësishëm në këtë operacion që vuri pas hekurave 38 persona që kishin lidhje me krimin e organizuar, dhe pastrimin e parave.
POSTIMI:
Një tjetër operacion i rëndësishëm kundër #organisedcrime dhe ndërkombëtare #drugtrafficking në Shqipëri, Mal të Zi, Itali, Spanjë në sajë të bashkëpunimit të madhe midis Italisë, Shqipërisë, SPAK dhe policisë së shtetit me mbështetjen e Eurojust BE. Rezultatet Indeksi i djathtë i drejtuar nga 38 persona të arrestuar dhe pasuritë e sekuestruara me vlerë miliona euro. Lufta kundër # krimit të organizuar dhe # pastrimit të parave janë përparësitë kryesore për BE dhe për Shqipërinë në BE në rrugën e saj të pranimit.
Reagimi vjen disa orë pas publikimit të të dhënave për operacionin “Shpirti”. SPAK ka lëshuar 38 urdhër-arreste, 10 prej tyre të ekzekutuara më herët në operacionin ‘Kulmi’. Gjatë operacionit janë arrestuar ish-prokurori Maksim Sota dhe Ilirjan Balla, ish-shefi i Trafiqeve. Në pranga edhe ish-oficeri Festim Lelaj. Pjesë e grupit edhe dy ish-shoqëruesit e Saimir Tahirit kur ishte Ministër, Paul Deda dhe Hekuran Marku. Grupi akuzohet se trafikonte drogë drejt Puglias, lëndë që më pas përhapeshin në të gjithë Evropën.
