Aksioni në Elbasan, RENEA në gjurmët e Talo Çelës, arreston krahun e tij të djathtë

RENEA ka zbarkuar sot në qytetin e Elbasanit për të arrestuar personazhet “VIP” të botës së krimit si Talo Çela dhe Suel Çela. Mësohet se gjatë operacionit është arrestuar vetëm krahu i djathtë i Talo Çelës, Klemend Xhaferri. Xhaferri është një person i njohur në Elbasan, i përfshirë dhe në ngjarjen e rëndë të ndodhur 4 ditë para zgjedhjeve të vitit 2021 në Elbasan, kur u vra Pjerin Xhuvani.

Ndërsa janë shoqëruar 5 persona të tjerë, të cilët ende nuk dihet nëse kanë lidhje me të shumëkërkuarit e operacionit “Plumbi i artë”.

14 personat në kërkim nga operacioni ‘Golden Bullet’

Ervis Martinaj

Florenc Çapja

Talo Çela

Eljo (Ervis) Bitri

Festim Qoli

Alban Bengasi

Elvin Merlika

Alket Xhixha

Marjus (Suel) Lulaj (Çela)

Agron (Kamber) Mehja

Aleks Çela alias (Tom Qorri)

Agim Gjini

Mikael Qosja (Kamami) (Stefo)

Abedin Mama (Dine Çami)

Gjatë operacionit në Elbasan janë kryer kontrolle nëpër shtëpi dhe biznese, me qëllim vënien në pranga të personazheve “VIP” të botës së krimit si Talo Çela, Florenc Çapja, Suel Çela, Ervis Martinaj, të cilët i shpëtuan disa aksioneve të policisë në kuadër të operacionit “Plumbi i artë”.

Ky është operacioni i pestë radhazi, pas atij të bujshmit “Plumbi i artë”, ku ranë në pranga disa personazhe të botës së krimit, përfshirë këtu edhe një avokat, i cili kishte porositur vrasjen e ish-bashkëshortes.