Policia e Korçës po vijon operacionin antidrogë të koduar “Restart”, duke arrestuar një tjetër trafikant dhe sekuestruar sasi të tjera lënde narkotike.
Sipas njoftimit të policisë, ka shkuar në 5 numri i të arrestuarve dhe në 187.4 kg lënda narkotike e sekuestruar në kuadër të këtij operacioni, që ka startuar një muaj më parë për goditjen e një grupi kriminal në fushën e trafikimit të lëndëve narkotike në drejtim të shtetit grek.
Gjatë mbrëmjes së djeshme, u arrestua Gjergji Mollanji, ku gjatë kontrollit në mjet shërbimet e policisë gjetën e sekuestruan në cilësinë e provës materiale 61 pako me peshë 73.4 kg, lëndë e dyshuar narkotike kanabis.
Në bashkëpunim me Prokurorinë po vijon puna për dokumentimin e plotë ligjor të kësaj veprimtarie të kundërligjshme, në të cilën janë përfshirë disa persona.
Materialet i kaluan Prokurorisë së Rrethit Gjyqësor Korçë për veprat penale “Trafikimi i narkotikëve” e kryer në bashkëpunim, mbetur në tentativë.
Discussion about this post