Deputeti i Partisë Demokratike Dashnor Sula nga studio e Euronews Albania tha se deputetët e opozitës nuk mund të pranojnë të marrin rrogën kot, ndaj dhe kanë nisur një aksion opozitar, përballë një mazhorance që i mohon të drejtat kushtetuese opozitës.
Duke e konsideruar situatën e krijuar si aspak normale, Sula tha se është në të mirën e vendit që në Kuvend ka njerëz rebel, të cilët përpiqen të ndryshojnë diçka.
“Shyqyr që ka ca burra dhe ca gra “trazovaç”, mund të na quajnë edhe njerëz rebel, që të bëjnë diçka të tillë se bota kështu është ndërtuar miku im”, tha deputeti i PD, ndërsa e quajti turp nëse për konfliktin në e ndodhur mes Flutura Açkës, Gazment Bardhit dhe Flamur Nokës, në Komisionin e Medias, sekretariati i etikës do të merrte masë ndëshkimore “përjashtim me 60 ditë”.
“Është turp njëherë, me dorë nuk e ka prekur njeri. Ia hoqën mikrofonin. Sjellja nuk është normale pa diskutim, por s’mund të zgjedhim unë dhe kolegët e mi që të marrim rrogën e të ikim në shtëpi”, tha deputeti Sula.
Discussion about this post