Detaje të reja janë zbardhur nga aksioni i SPAK në kuadër të hetimit për dosjen e AKSHI-t, ku më herët u raportua për caktimin e masës së sigurisë “arrest në shtëpi” ndaj ish-drejtoreshës së Shërbimit Informativ të Shtetit, Vlora Hyseni.
Sipas burimeve, përveç Hysenit, janë lëshuar edhe dy masa të tjera sigurie ndaj dy ekspertëve kriminalistë të Policisë së Shtetit, njëri me detyrë në Tiranë dhe tjetri në Durrës.
Në kuadër të të njëjtit hetim, kontrolle janë kryer edhe në banesën e ish-drejtorit të Përgjithshëm të Policisë së Shtetit, Ilir Proda. Sipas raportimeve mediatike, emri i Prodës ka dalë në hetimet që lidhen me Ergys Agasin dhe materialet e administruara nga SPAK gjatë hetimit.
Hetimi vijon nga SPAK, ndërsa pritet të zbardhen në vijim më shumë detaje mbi rolin e personave të përfshirë dhe lidhjet që janë evidentuar gjatë hetimeve.
Discussion about this post