“Akt burracak i Ramës”, Bardhi i shqetësuar për Berishën

Pas incidentit që ndodhi në protestën e opozitës, ku një person goditi me grusht kryetarin e Partisë Demokratike Sali Berisha, ka ardhur dhe reagimi i ish-sekretarit të Përgjithshëm të kësaj force politike, Gazment Bardhi.

Ai e cilësoi këtë gjest si një akt burracak të kryeministrit Edi Rama dhe bëri thirrje që autorët e vërtetë të vihen menjëherë përpara ligjit.

Reagimi:

Skenarët me dhunë ndaj kundërshtarit politik janë tipike të një regjimi të korruptuar dhe të kriminalizuar. Akt burracak i Edi Ramës, që nuk tremb dot askënd. Duke dënuar me forcë sulmin fizik ndaj z. Berisha, bëj thirrje që autorët e vërtetë të vihen menjeherë përpara ligjit.