Akte vandale ndaj varreve në Përmet, shoqërohen tre persona

Persona ende paidentifikuar kanë dhunuar një numër të konsiderueshëm varresh në varrezat publike të fshatit Kutal, në bashkinë e Përmetit.

Banorët e fshatit kanë konstatuar me shqetësim dhe dhimbje mëngjesin e kësaj të hëne thyerjen e fotografive të të ndjerëve të tyre, si dhe dëmtime të pllakave në varre.

Sakaq, Policia e Përmetit njofton se në lidhje me këtë ngjarje të pazakontë ka shoqëruar tre persona, mes të cilëve edhe një të mitur, të cilët dyshohen se kanë dijeni ose janë autorë të këtyre akteve vandale ndaj varreve.