Partia Demokratike ka reaguar pas tentativave të shumta të mbështetësve të ish-kryeministrit Berisha për tu futur në ambientet e brendshme të PD, dhe tensione të vazhdueshme nga të dyja palët.
PD-ja zyrtare krahason Berisha me kryeministrin Rama dhe protestën e “21 janarit”, duke thënë se kërkon të marrë me dhunë PD për të strehuar veten.
“Për të ardhur keq ku përfundoi Sali Berisha, i njëjtë me Edi Ramën e 21 Janarit! Me një grusht njerëzish kërkon të marrë me dhunë Partinë Demokratike për ta kthyer në një bunker, ku të strehojë veten dhe familjen kundër interesit të demokratëve dhe të shqiptarëve! Ka një lajm të mirë në këtë fatkeqësi për Sali Berishën: Ai është i braktisur nga demokratët. Janë më pak se 800 mercenarë në oborrin e PD, që ushtrojnë dhunë në këtë përpjekje të turpshme kundër demokratëve. Aktet e dhunës së sotme kundër Partisë Demokratike shënojnë izolimin final të Sali Berishës dhe largimin me turp nga skena politike”, njofton PD.
Discussion about this post