Akti Normativ/ Rritet fondi për shpenzimet qeveritare, ulet me 3 mld lekë ai për shëndetësinë

Botohet në Fletoren Zyrtare, Akti Normativ i Qeverisë lidhur me ndryshimet në buxhetin e vitit 2023.

Referuar aktit normative, nga Buxheti do të shpërndahen 46 miliardë lekë. Nga kjo shumë, 12 mld lekë shkojnë për rindërtimin, 1.8 mld lekë për fermerët dhe dhe 8 miliardë lekë do të shkojnë për projektet rrugore në ministrinë e Infrastrukturës.

Me ndryshimet e miratuara, buxhetit të Ministrisë së Shëndetësisë i zbriten 3 miliardë lekë fondet për shërbimin parësor dhe dytësor.

Ndërkohë buxhetit i janë shtuar 2 miliardë lekë për Fondin Shqiptar të Zhvillimit.

Shpenzimet për shërbimet qeveritare janë shtuar me 400 milionë lekë më shumë.

Ndërkohë 1 miliardë lekë shkojnë për indeksimin e pensioneve. Qeveria ka menduar të lërë para edhe për fondi rezerve që rritet me 1.7 miliardë lekë.

Shpenzimet për interesa të brendshme të borxhit publik janë rritur me 4 miliardë lekë, ndërsa një fond shtesë është caktuar për pagesat ndaj ish-të përndjekurve.

Të ardhurat totale të buxhetit janë shtuar me 7.5 miliardë lekë, por këto nuk sollën rritjen e shpenzimeve, ndërsa qeveria ka vendosur të mbajë të pandryshuar deficitin dhe të ulë borxhin publik.