Aktori Danny DeVito: Gjyshja ime fliste një gjuhë që quhej ‘gegë’

Aktori i njohur komik amerikan Danny Devito ka zbuluar së fundi se të paktën një nga gjyshet e tij e ka pasur me origjinë arbëreshe.

Gjatë një interviste për një podcast amerikan, ai ka treguar se gjyshja ishte nga Kalabria, që përballë detit ka Shqipërinë.

Vetëm në fund të jetës, kur ajo dergjej në shtrat, kishte mësuar se gjuha që fliste gjyshja nuk ishte italisht, por një variant i shqipes.

‘Gjyshja ime fliste një gjuhë që quhej ‘Geg’ ishte një lloj i gjuhës shqipe dhe ishte shumë e bukur! Për shiun për shembull… mbaj mend se ishte ‘sh’ për shiun. ‘Sh..sh’’ tingëllonte vet si shiu.’- u shpreh ai.

DeVito ka luajtur në filma të njohur si “One Flew Over the Cuckoo’s Nest” (1975), “Terms of Endearment” (1983), “Twins” (1988), “The War of the Roses (1989)”, etj.