Aktori i njohur amerikano-austriak Arnold Schwarzenegger është përfshirë në një aksident të katërfishtë në Brentwood. Nga aksidenti ka mbetur e plagosur një grua e cila është transportuar në spital me gërvishtje në kokë.
Policia nuk ka bërë të ditur identitetin e të përfshirëve në aksident, dhe as nuk dha informacion për gjendjen e tyre.
“Ai është mirë, shqetësimi i tij i vetëm tani është për gruan që u plagos e ka vizituar dhe i ka kërkuar ndjesë,” tha një përfaqësues i aktorit për revistën ‘PEOPLE‘.
Një zëdhënës i Schwarzenegger konfirmoi se aktori sapo kishte lënë shtëpinë e tij dhe po drejtonte një GMC Yukon, e cila goditi një Toyota Prius.
Discussion about this post