Aktori skocez 33-vjeçar, Kevin Guthrie i cili luajti rolin e Abernathy tek “Harry Potter”, u shpall fajtor pas një gjykimi katër-ditor dhe u vendos në regjistrin e shkelësve seksualë për një kohë të pacaktuar, raporton “BBC”.
Aktori e ka mohuar akuzën dhe i ka thënë jurisë se e kishte “ndihmuar” gruan, 29 vjeç, pasi u sëmur. Ai nuk e ka komentuar dënimin e tij por nuk ka rënë dakord me akuzat.
Incidenti ndodhi në vitin 2017 në apartamentin e aktorit tjetër skocez, Scott Reid, i cili nuk ishte në sallën e gjyqit e mbi të cilin nuk rëndojnë akuza.
Jurisë iu tha se Reid telefonoi urgjencën dhe e la Guthrie në dhomën e Kevin “për t’u siguruar që ajo ishte mirë”.
Nga ana tjetër gruaja dëshmoi gjatë gjykimit se Guthrie e sulmoi seksualisht dhe se ai u ndal kur Reid u kthye në dhomë.
