Aktori i humorit Julian Deda ka shfaqur dëshirën për të kandiduar si kryetar bashkie i Tiranës në zgjedhjet e ardhshme elektorale.
I ftuar në emisionin “D-night”, Deda tha se është një kandidat me potencial dhe mund të fitojë. Gjithashtu ai shton se ka si kontribut edhe në fushën e politikës.
“Lalin e heqim ne… Lali nuk është i përjetshëm. Meqenëse që më pyete për këtë…unë kam një angazhim politik dhe ka kohë që e kam d.m.th. jam anëtar i Këshillit Kombëtar të Partisë Demokratike, por kam 20 e kusur vite që jetoj këtu dhe ti mendon se një Shkodran nuk mund të bëhet Kryetar Bashkie në Tiranë kur u bë njëri nga Ura Vajgurore? Më vjen keq tani, ai është nga Ura Vajgurore dhe u bë, pse mos të bëhet një Shkodran?”, është shprehur ndër të tjerash aktori.
Deda po ashtu ka shtuar me nota ironie se të paktën ai nuk ka shitur fiq dhe nuk ka punuar kamerier, duke thënë se Veliaj ka gënjyer kur ka thënë se ka shitur fiq para se të bëhej person me post.
Discussion about this post