Aktori i njohur Dwayne Johnson ose si njihet ndryshe me emrin artistik “The Rock” ka befasuar nënën e tij në mënytrën më speciale të mundshme. Ai i ka dhuruar asaj një shtëpi të re teksa ka zbuluar në një seri videosh që tregojnë reagimin e të ëmës.
“Kur isha djalë i vogël, e urreja kur nëna ime qante”, shkroi Johnson. “Këto ditë, me kënaqësi do t’i marr lotët e gëzimit. E befasova mamin dhe i bleva një shtëpi të re.”
Johnson shpjegoi se atij dhe ekipit të projektimit iu deshën tetë javë për ta mobiluar shtëpinë plotësisht përpara se t’ia tregoni.
“Gjithçka që ajo pa ishte krejt e re dhe një surprizë totale,” ndau ai. “Unë kam qenë mjaftueshëm me fat që i kam blerë disa shtëpi gjatë viteve, por kjo është e veçantë pasi më ka thënë vazhdimisht gjatë këtyre viteve të fundit, pas një jete udhëtimi, dua që kjo shtëpi të jetë e fundit. Kjo është ëndrra ime. Mami, nuk ka kënaqësi më të madhe sesa të të bëj të lumtur – mirë se erdhe në shtëpi.”
“Unë gjithmonë them, nëse ke një nënë të mirë, atëherë ke mundësi të bëhesh një qenie njerëzore e mirë dhe e kujdesshme”, vazhdoi Johnson. “Le t’i japim të gjithë nënave tona një përqafim të fortë këtë fundjavë dhe t’i bëjmë ato të lumtura.”
View this post on Instagram
Discussion about this post