Aktori i njohur Mehdi Malkaj nga protesta e organizuar sot përpara SPAK, për të kërkuar përgjigje në lidhje me kallëzimet që janë bërë për shembjen e Teatrit Kombëtar, ka deklaruar se janë lënë të vetëm nga shoqëria civile në kauzën e tyre.
Malkaj ironizoi këta të fundit duke thënë se gjenden gjithmonë aty ku janë paratë dhe se nuk ndodhen në këtë protestë pasi “është kaq elegante me pushtetin”.
“Përshëndes ata që na shohin nga lokalet e nuk begenisin të vijnë këtu, përshëndes edhe këta që na shikojnë nga xhamat por një përshëndetje e kam për atë që quhet shoqëri civile që është kaq e mirë, kaq e urtë, kaq elegante me pushtetin e gjendet gjithmonë atje ku janë paratë. Ka ndonjë të shoqërisë civile këtu? Nuk ka se ashtu e kanë hallin ata. Kemi 5 vjet që rropatemi, për Teatrin se ra Teatri ta gëzoni demokracinë, diktaturën”, tha Malkaj.
Discussion about this post