Aktorja e dashur për publikun, Ajsi Xhaxhaj është përfshirë në projektin e saj më të fundit, në filmin “Një jetë me ty”. Pjesëmarrja e saj në këtë projekt ishte krejtësisht i papritur, pasi ka qenë një mike e saj ajo e cila e njoftoi për audicionin e filmit.
“Audicionin e fitova dhe më morën në telefon që të nesërmen dhe përveç kësaj më thanë që të bëja një audicion tjetër ku do të luaja në rolin kryesor”, është shprehur Ajsi.
Roli i saj në këtë film është roli i një gruaje të martuar ku shikohet në dy këndvështrime, njëri sesi e sheh ajo veten dhe tjetri se si e sheh bashkëshorti i saj. Disa nga skenat më të preferuara për Ajsin në këtë komedi është skena që ajo dyshon se bashkëshorti i saj e tradhton me sekretaren e tij. Ndërkaq skena më sfiduese për Xhaxhaj në këtë film ishte skena e krevatit pasi nuk e kishte luajtur ndonjëherë një rol të tillë. Kjo komedi përmban ngjarje të shumta si të qeshura, tradhti dhe zënka.
Përveç se aktore, Ajsi është edhe një specialiste marketingu.Një tjetër film ku Ajsi ka qenë pjesë është edhe filmi “Dashuria s’mjafton” me regji nga Drilon Hoxha. Roli i saj në këtë film ishte si e dashura e Drilon Hoxhës ku në fund dashuria e tyre triumfon.
Discussion about this post