Ish-kandidati për deputet i Partisë Demokratike, Roland Bejko ka komentuar deklaratën e ish-kryeministrit Sali Berisha, i cili tha se sot se Lulzim Basha është tradhtari më i madh i demokracisë.
Bejko iu drejtua ish-kryeministrit Berisha duke thënë se si mundet ai të bëjë sot këtë deklaratë kur e ka votuar dhe mbështetur gjithë kohën kryetarin e opozitës.
“U trondita se nuk e kisha ndjekur aktivitetin e Berishës, por u trondita nga ajo që dëgjova, i cili akuzon kreun e Partisë se qenka tradhtari më i madh i demokracisë. Si mund të artikulohet kjo sot për kreun e opozitës, ishte njeriu që e votoi dhe e mbështeti në gjithë këto vite.
Ndërsa ajo që tha Basha se nuk e shkulëm komunizmin për 30 vite, është e vërtetë. Shqipëria është arene debati, por jo për sharje dhe nxitje urrejtje. Berisha me probleme ka qenë edhe gjatë kohës kur ishim bashkë. Ky është një rikthimi panevojshëm i Berishës” – u shpreh Bejko.
Discussion about this post