Ish-futbollisti i Barcelonës Dani Alves duket se ka për të qëndruar në izolim për një kohë të gjatë.
Gjykata e Barcelonës ka marrë vendimin këtë të martë për të zgjatur edhe më tej kohën e paraburgimit për “predatorin” brazilian deri në ditën e gjykimit të tij.
Argumenti i përdorur nga gjykatësit katalanas ishte se futbollisti ka mundësinë ekonomike për tu larguar nga vëndi drejt shteteve që nuk parashikojnë ekstradimin.
Avokatët mbrojtës të Alves përsëritën se klienti i tyre nuk ka plan të arratiset por më kot. Dani Alves u arrestua në muajin janar të këtij viti me akuzën e përdhunimit ndaj një vajze 23-vjeçare në një klub nate në qytetin e Barcelonës në dhjetor 2022. Ditët në vijim pritet të mësohet se kur do të zhvillohet gjyqi ndaj tij.
Discussion about this post