Shërbimi i Kontrollit të Brendshëm në Burgje zbatoi sot vendimin e Gjykatës së Elbasanit, e cila kishte caktuar masën e sigurisë “arrest shtëpie” për shefin e policisë së burgut të Drenovës, Mariglen Kadiu. Ndaj tij Prokuroria ka ngritur akuzën e shpërdorimit të detyrës.
Kadiu u tranferua nga burgu i Peqinit në atë të Drenovës rreth 8 muaj më parë, me të njëjtën detyrë, atë të shefit të policisë.
Vendosja e masës së sigurisë ndaj Kadiut, referuar njoftimit zyrtar nga SHKBB, nuk ka lidhje me ngjarjen e ndodhur në burgun e Peqinit, por me një tjetër shkelje të evidentuar në Drenovë, ku një i burgosur ishte favorizuar.
Ndaj të burgosurit i cili dyshohet për “prodhim dhe shitje te narkotikeve” dhe “futja dhe mbajtja e sendeve te ndaluara ne IEVP”, gjithashtu është caktuar masa e sigurisë.
Njoftimi
Në kuadër të procedimit penal nr 283 viti 2023 , regjistruar në Prokurorinë Elbasan , për veprën penale , futje sendeve të ndaluara dhe prodhim shitje narkotikëve , nenet 324/a dhe 283 K.Penal , nga Sherbimi i Kontrollit te Brendshem ne Sistemin e Burgjeve, ne zbatim te urdhrit te ekzekutimit te Prokurorise se Juridiksionit te Pergjithshem prane Gjykates se Shkalles se Pare Elbasan shkrese nr. 1485 dhe 1486 date 26.12.2023, ekzekutoj masat e sigurimit personal:
1. Ndaj personit nen hetim M.K me detyre ish shef i policise ne IEVP Peqin aktualisht shef i policise ne IEVP Korce masen e sigurimit personal arrest shtepie i dyshuar per kryerjen e vepres penale “shperdorim detyre”.
2. Ndaj personit nen hetim shtetasit P.G, i cili aktualisht po vuan denimin ne IEVP Drenove, i dyshuar si autor i vepres penale “prodhim dhe shitje te narkotikeve” dhe “futja dhe mbajtja e sendeve te ndaluara ne IEVP” masen e sigurimit personal “arrest me burg”.
Discussion about this post