Partia Demokratike i është përgjigjur akuzave të vazhdueshme të ish-kryeministrit Sali Berisha në adresë të Lulzim Bashës, duke i quajtur si mashtrime.
PD ka publikuar një video teksa shkruan se Berisha po përdor kandidatët e presidentit Ilir Meta për interesat e tij personale, ndërsa kujtojnë seancës plenare për Vetting-un, ku Berisha ndonëse tha se do votojë kundër ndryshimeve, në të vërtetë abstenoi.
“Ditë e re, mashtrim i ri. Non grata vjen vërdallë nëpër Shqipëri duke përdorur kandidatët e Shtëpisë së Ilirit për hallin e tij. Non grata nuk mund të pranojë njeri tjetër prandaj kudo është ai, si kandidat, si kryetar, si udhëheqës, sa edhe Enver Hoxha do i’a kishte zili. Edhe emrat e pseudokandidatëve i prezanton me foton e tij. Sa më shumë i shtohen hallet, aq më shumë i shton mashtrimet. Siç bëri kur si një frikacak tha se do votonte kundër e kur erdhi koha e votës iku si burracak. Demokratët e dinë se ai ka hallin e tij, ashtu se si edhe me 8 janar, qëllimi i tij është shkatërrimi i Partisë Demokratike. Sot çdo shqiptar e ka të qartë: nëse mbështet Berishën e Metën, mban Ramën”, shkruan PD.
Discussion about this post