Nuk kanë munguar përplasjet mes përfaqësuesve të PS dhe PD në Komisionin Hetimor për Inceneratorët. Deputeti i Partisë Demokratike, Belind Këlliçi ka hedhur akuza të forta se Mirel Mërtiri ka detyruar bankat që të mos japin informacion.
Tre banka nuk japin informacion për llogari të Mërtirit. I ka detyruar të mos japin, bankat e kanë detyrim ligjor dhënien e informacionit. Ky komision ka për detyrë të bëjë një hetim të këtyre personave, me gjithë të drejtën që buron nga ligji. E vetmja gjë që po bie në sy është mbrojta që po i bëhet Mërtirit. Po kërkojmë të zbatohet ligji. Unë nëse marr përsipër të them fjalën hajdut, e kam unë përgjegjësi. Mos u shqetëso pse po i them unë hajdut Mërtirit. Unë nuk druhem aspak të quaj një person që abuzon me fondet hajdut. Për këtë gjë mbaj përgjegjësi personale, mos u shqetësoni ju për mua dhe pse po quhet Mirel Mërtiri hajdut në këtë komision, zonja Felaj,” tha Këlliçi.
Opozita akuzon biznesmenin Mirel Mertiri se fshihet pas tre inceneratorëve të Tiranës, Fierit dhe Elbasanit, ndonëse së fundmi në media qarkulloi lajmi se Mërtiri ka udhëtuar dy herë me liderin e opozitës, Lulzim Bashën, ndonëse ky i fundit e akuzon për vjedhje të parave publike.
Discussion about this post