Kryeministri Edi Rama ka bërë një postim në Twitter ku i kundërpërgjigjet akuzave të opozitës, e cila kundërshton kategorikisht marrëveshjen e qeverisë për Portin e Durrësit dhe ditën e sotme depozitoi marrëveshjen në Kushtetuese.
Rama shkruan se kundërshtimi i opozitës për ardhjen e kompanisë investitore në Portin e Durrësit është tallje për shqiptarët, ndërsa nuk kurseu as fyerjet.
“Akuzat haluçinante kundër një kompanie ardhja e së cilës është përveç të tjerash një imazh i ri fitues i Shqipërisë në arenën ndërkombëtare, janë tallja e radhës me ata shqiptarë që akoma i ndjekin pas këta të shitur, pa fe, pa atdhe, pa din e as iman…”, shkruan Rama në Twitter.
Lexo edhe: Debati me emigrantët, Rama për Sky News: Qeveria britanike të kërkojë falje
Discussion about this post