Struktura e Posaçme Anti-Korrupsion, ka publikuar detajet nga takimi i kryetares së Komisionit për Inceneratorët, Jorida Tabaku dhe kreut të SPAK, Arben Kraja mëngjesin e sotëm.
SPAK njofton se prokurorët janë të pavarur në punën e tyre, ndërsa shprehen se janë të vendosur të administrojë çdo fakt që lidhet me hetimin e procedimeve penale për çështjen e inceneratorëve.
“Prokuroria e Posaçme është e vendosur që të administrojë çdo fakt dhe çdo indicie që lidhet me hetimin e procedimeve penale të regjistruara për çështjen e inceneratoreve, ngado që të vijnë, aq më shumë nga Komisioni Hetimor i ngritur nga Kuvendi. Nga ana tjetër, sigurojmë opinionin publik se prokurorët janë të pavarur në veprimtarinë e tyre hetimore, në vendimmarrjen e tyre dhe do të analizojnë me ligjshmëri, objektivitet dhe paanësi çdo pretendim, indicie apo provë që paraqitet nga të gjithë palet që kanë dijeni rreth procesit për të cilin po hetohet”, njofton SPAK.
Kjo deklaratë e SPAK vjen pasi PS deklaroi se do të depozitojë një kallëzim për Tabakun, pasi e konsideruan takimin me Arben Krajën si në kundërshtim me ligjin.
Discussion about this post