Partia Demokratike e drejtuar nga Sali Berisha do të zhvillojë pasditen e së enjtes mbledhjen e Këshillit Kombëtar, ku pritet të merret një vendim politik pas zhvillimeve të fundit, që kanë të bëjnë me vendosjen nën hetim nga SPAK të kreut demokrat për atë që njihet si “dosja e privatizimit të his-kompleksit Partizani”.
Mbledhja do të nisë në orën 18:00 në selinë e PD-së, ndërsa Berisha do ti drejtohet me një mesazh anëtarëve të Këshillit, Ajo ccka pritet të vendoset në përfundim është kundërpërgjigjia që do të kenë demokratët ndaj regjimit të Edi Ramës, sikundër e konsiderojnë në deklaratat publike, ndërsa akuzojnë Kryeministrin se përmes SPAK po godet opozitën.
Një nga opsionet që kreu demokrat pritet të ndërmarrë është bashkëbisedimi me qytetarët, njëlloj sikundër ndodhi dy vjet më parë në atë që u quajt “Foltore”, pasi Berisha u përjashtua nga Lulzim Basha me argumentin e shpalljes “non grata” nga SHBA.
Në disa muaj takime, qytet më qytet, Berisha arriti të mbledhë rreth vetes shumicën e anëtarëve dhe simpatizantëve të PD-së, duke rimarrë kështu pjesën dërmuese të anëtarësisë që iu bashkuan më pas procesit të riorganizimit të PD-së që u pagëzua me emrin Rithemelimi.
Një strategji të ngjashme, kreu demokrat pritet t’a aplikojë edhe tani, por në dallim nga “Foltorja” e parë ku target i sulmeve dhe akuzave ishte Lulzim Basha dhe Yuri Kim, ish-ambasadorja e SHBA në Tiranë, në turin e dytë pritet të jetë Edi Rama dhe ata që Berisha i konsideron si pengje të tij.
E ndërsa në Foltoren e parë ai pati në krah 2-3 deputetë dhe pothuajse zero struktura, në turin e ri të takimeve, ish-kryeministri mund ta ketë më të lehtë pasi së mpaku ka një support më të lartë nga Grupi Parlamentar, por edhe nga strukturat që i ngriti përmes Rithemelimit.
Discussion about this post