Deputetja e Partisë Demokratike, Albana Vokshi, duke komentuar akuzat e SPAK ndaj Sali Berishës dhe Jamarbër Malltezit, tha se Kushtetuta e Republikës së Shqipërisë nuk është për t’u interpretuar, por për t’u zbatuar dhe këtë, sipas saj, e dëshmon Neni 73.
“Për fat të mirë, Kushtetuta nuk është për t’u interpretuar, është për t’u zbatuar. E ka qartë Kushtetuta, e ka qartë Neni 73. Thuhet “zbatohet, nuk interpretohet”. Pikë. Nuk interpretohet, për fat të mirë, sepse nëse do të interpretohej, atëherë çdo jurist mund ta interpretojnë krejt ndryshe”, tha Vokshi në emisionin “Debat”.
Vokshi e konsideroi si provokim nga Edi Rama vajtjen në selinë e PD, mbrëmjen e së shtunës të dy zyrtarëve të Policisë së Shtetit, që insistonin për ti komunikuar Berishës masën e vendosur nga GJKKO ndaj tij, “detyrim paraqitje” dhe ndalimin e daljes jashtë vendit.
Madje Vokshi tha se Edi Rama me këtë gjest ka tentuar provokimin e një konflikti.
Discussion about this post