Ish-kryeministri Sali Berisha në fjalën e tij në konferencën për shtyp deklaroi se prokuroria po fsheh dosjet për të cilat ai më herët pretendoi se deputeti socialist Taulant Balla akuzohet për vepra të rënda penale.
I pyetur se pse nuk i bën publike këto fakte, ish-kryeministri përgjigjet se për këtë prokuroria duhet t’i publikojë pasi po i mban të fshehta dhe kjo është puna e saj, duke nënkuptuar se organi i akuzës është nën kontroll të Partisë Socialiste.
“Koha ka faktuar në mënyrë të përsëritur. Nuredin ka disa javë që ka filluar të flasë. Unë ju them ju dhe shqiptarëve. Dosjet i ka prokuroria se pse po i fsheh prokuroria kjo është puna e saj. Do ia them në parlament sy më sy. Gradualisht do shkojë atje ku e meriton. Drejtësia vonon por nuk harron”, shprehet Berisha.
Discussion about this post